Búið er að opna fyrir umsóknir hjá Svanna-lánatryggingasjóði og er umsóknarfrestur til og með 15.mars næstkomandi.
Eingöngu fyrirtæki í eigu konu/kvenna geta fengið ábyrgðartryggingu/lán og gerð er krafa um að í verkefninu felist atvinnusköpun.
Hægt er að sækja um lánatryggingu vegna eftirtalinna þátta:
· Markaðskostnaðar
· Vöruþróunar
· Nýrra leiða í framleiðslu eða framsetningu vöru/þjónustu.
Mat er lagt á viðskiptaáætlun fyrirtækisins og/eða þess afmarkaða verkefnis innan fyrirtækis sem ábyrgð á láni er sótt um og er grundvöllur umsóknar. Ekki er veitt ábyrgð á láni fyrir óhóflegum launakostnaði né launakostnaði eigenda sbr. við vöruþróun, sölu- og markaðsstarf.
Að jafnaði er ekki veitt ábyrgð á láni fyrir reglubundnum rekstrarkostnaði.
Til greina kemur að veita lán fyrir tækjum sem eru nauðsynleg rekstrinum og/eða verkefninu en þá með veði í umræddum tækjum. Lánað er fyrir kostnaðarverði tækjanna að því gefnu að notkun á þeim leiði til atvinnusköpunar og verðmætaaukningar.
Ábyrgð skal ekki vera undir 1.500.000 króna og að jafnaði skal ábyrgð ekki fara yfir 7,5 milljónir króna (15 m.kr.lán).
Sótt er um á heimasíðunni, smellt á „Sækja um“ og þá opnast umsóknarkerfið.
